Ditët e fundit Alban Skënderaj ndodhet në Itali së bashku me familjen e tij.
Këto ditë ai po i shfrytëzon për të kaluar pak kohë me Miriamin dhe Amelin, por pa harruar koncertet e tij.
Pas koncertit në Firenze, të shtunën Albani do të mbajë një koncert në teatrin Aglianes.
Por pas këtyre koncerteve të rëndësishëm, Albani do të kthehet në Shqipëri dhe për këtë ka një arsye të rëndësishme.
Nëpërmjet një postimi në “Instagram” këngëtari ka treguar se do të nderohet me një çmim të rëndësishëm nga Ambasada Italiane me rastin e promovimit të gjuhës italiane në Shqipëri.
“Jam i bindur se shumë nga ju, ashtu si unë, në mënyrë direkte apo indirekte janë influacuar ose frymëzuar në jetë nga kjo gjuhë melodioze dhe ky shtet i cili ka qenë, është dhe do të jetë mik i shqiptarëve. Me krenari mund të them tashmë se shqiptarët që jetojnë në Itali janë intergruar në mënyrë shembullore ndërsa ata që jetojnë në Shqipëri si për muzikën, kinematigrafinë, modën, ushqimin etj e ndjejnë Italinë afër më shumë se çdo shtet tjetër”, ka shkruar mes të tjerash Albani në postimin e bërë në Instagram.
https://www.instagram.com/p/B3myXESgSZ_/?igshid=1mri2mlbku48k
Kujtojmë se këngëtari ka kaluar një pjesë të jetës së tij në këtë vend, prandaj edhe lidhja me Italinë është shumë e fortë.
