Ditën e sotme nisi viti i ri akademik 2019-2020 i cili në krahasim me vitet e tjera, e ka ulur ndjeshëm numrin e studentëve që i drejtohen universiteteve për të studiuar.
Ashtu si vitin e kaluar, studentët kanë ndërmend të vazhdojnë të protestojnë për kërkesat që i kanë parashtruar Ministrisë së Arsimit dhe Kryeministrit Rama.
Sipas “Lapsi.al”, një grup studentësh janë mbledhur sot para Ministrisë së Arsimit, të vendosur për të kërkuar të drejtat e tyre.
“Ne do të vazhdojmë betejen dhe nuk do të ndalemi derisa të përmbytet ligji për Arsimin e Lartë. Ne do të vijojmë të socializohemi duke u bërë bashkë për ndryshime të mëdha.
Ka një ndryshim të kodit penal që na thonë nëse bllokon rrugën ligjin do të dënohemi deri me tre vjet burg, por kjo nuk na pengon për të vijuar protestën. Do të jemi të bashkuar për betejën që na bashkon, për arsim publik falas.”- është shprehur njëri nga protestuesit.
