Një test që ndryshon ngjyrën e urinës nëse zbulon kancerin, mund të ndihmojë në diagnostikimin e sëmundjes vrasëse në të ardhmen, thonë shkencëtarët.
Studimet ndaj minjve treguan se kjo metodë funksionon, dhe urina e tyre merrte një ngjyrë të kaltër të ndritshme nëse kishin kancer të zorrës së trashë.
Shkencëtarët shpresojnë që testi t’i hapë rrugë një mjeti të ri diagnostikues i cili do të ishte më i lirë dhe më i lehtë sesa metodat aktuale.
Gjetja e hershme e kancerit mund të rritë mposhtjet e sëmundjes sepse trajtimi mund të fillohet sa më shpejt që të jetë e mundur.
Testi është vetëm në fazat e para të zhvillimit dhe studiuesit po punojnë për ta bërë atë edhe më të lehtë për t’u përdorur.
Ata parashikojnë se do të jenë në gjendje të bëjnë dallimin midis kancereve të ndryshme, jo vetëm zorrës së trashë.
Mjetet aktuale të diagnostikimit për kancerin ndonjëherë mbështeten në sinjalet biologjike të njohura si “biomarkers”, të cilat prodhohen kur tumoret rriten dhe përhapen.
Burimi: Daily Mail
