Vranesirat dhe shirat kanë përfshirë të gjithë vendin.
Sipas MeteoAlb, këto ditët e para të shtatorit do të mbetemi në ndikimin e motit të paqëndrueshëm me reshje më të theksuara në veri të vendit.
Mesdita dhe pasditja paraqiten kryesisht me kthjellime dhe vranësira në veri dhe qendër duke lënë zonat jugore me shira të izoluar. Gjatë natës do të ketë shtim të vranësirave në të gjithë vendin.
Temperaturat e ajrit do të pësojnë rënie të ndjeshme të tyre duke u luhatur nga 14°C deri në 32°C.
Era do të fryjë mesatare në tokë dhe deri e fortë në det me shpejtësi 40 km/h nga drejtimi veriperëndimor duke krijuar në brigjet detare dallgëzim 3 – 4 ballë.
E nesërmja, dt. 4 shtator parashikohet e njëjtë me vranësira dhe shira në të gjithë vendin. Gjithashtu do të ketë ulje të temperaturave minimale me 1 gradë më pak se sot.
