Prej disa javësh Arilena Ara është larguar drejt Shteteve të Bashkuara të Amerikës, ku po qëndron larg syrit të mediave teksa merret me një projekt shumë të rëndësishëm.
Sipas “Prive.al”, ajo po punon për këngën e saj më të re, me të cilën pritet të konkurrojë në festivalin e Radio Televizionit Shqiptar. Kënga e saj do të prezantohet në dhjetor të këtij viti dhe nëse shpallet fituese, Arilena do të përfaqësojë vendin tonë në Eurovision-in e vitit 2020.
Kujtojmë se Arilena Ara ishte fituesja e edicionit të dytë të “X-Factor Albania”, fitore që ia dedikoi babait të saj të ndjerë. Që prej asaj kohe, karriera e saj muzikore ka ardhur vetëm në ngjitje.
Së fundmi, Arilena ishte pjesë e jurisë së “The Voice Kids”, eksperiencë për të cilën u shpreh se i kishte vyer shumë dhe ishte një ndër më të bukurat që ajo kishte kaluar në ekran.
