Kendall Jenner u hapi punë gocave, sepse tani fustani i gjatë, i fryrë në maksimum dhe me ngjyrë neoni duket sikur është kthyer në kusht për daljet publike të disa prej vajzave më të njohura të ekranit.
Tek amfAR Gala e këtij viti në maj, modelja veshi një krijim të Giambattista Valli-t të cilin ishte e pamundur ta harroje teksa shfletoje të veshurat më mirë të galasë së këtij viti.
Megjithatë, na takon të tregohemi korrektë duke thënë se Elvana Gjata në fakt e nuhati që përpara këtë trendin e frudave masive, duke veshur fustane voluminoze me ngjyra të ndezura në thuajse të gjitha premierat e filmit “Dy Gisht Mjaltë”.
Ngjyrat e neonit aq neonike sa mund të ndriçojnë në errësirë, në fustane plot volum që bien menjëherë në sy, po ua shikojmë gjithmonë e më tepër të famshmeve tona.
Javën e kaluar, Klea Huta dukej krejt e frymëzuar nga Kendall me fustanin rozë neon që zgjodhi të vishte për të prezantuar koncertin e madh në shesh.
Por edhe Kiara Tito, zgjodhi një fustan ngjyrë të verdhë të ndezur kur ishte e ftuar tek Miss Shqipëria.
Ngjyrat neon dhe volumi janë këtu që prej disa sezonesh tashmë dhe duket se nuk kanë ndërmend të largohen edhe për ca kohë.
