Khloe Kardashian ka rrëfyer se është beqare pas ndarjes nga Tristan Thompson në shkurt, pasi zbuloi se ylli i NBA-së ishte puthur me Jordyn Woods.
Edhe pse kanë kaluar 5 muaj që nga ndarja, ylli i reality show-t, 35 vjeç, nuk ka dalë në asnjë takim romantik deri më tani.
Të mërkurën, Khloe tha për “UsWeekly” se ajo ndihet mirë me të qenit vetëm, sepse është duke e shijuar dhe nuk ka nevojë për një mashkull në krah që të “ndihet e fortë”.
“Jo ende, dhe jam aq mirë! Ndihem shumë e lumtur që po kaloj kaq shumë kohë me familjen time”.
“Po punojmë kaq shumë, por më pëlqen që po kujdesem për veten dhe mendoj se jam vërtet mirë me të qenit vetëm. E shijoj atë! Kurrë nuk ndjehem sikur kam nevojë për një mashkull që të ndihem e fortë”.
Khloe tregoi se sekreti i saj është të rrethohet nga njerëz të mirë që i japin energji.
Ylli 35-vjeçar gjithashtu zbuloi sesi ka arritur format e saj seksi, kur tha se bën boks dhe pesha.
