Kim Kardashian ka fituar 2,7 milionë dollarë pas padisë që ngriti kundër një kompanie “të modës së shpejtë”, Misguided USA.
Bëhet fjalë për rastin e fustanit i cili u prezantua përmes modeles së njohur shqiptare Arbenita Ismajli, 3 orë pasi e veshi Kim Kardashian.
Ylli 38-vjeçar i reality show-t kërkoi fillimisht 10 milionë dollarë shpërblim nga kompania, raporton TMZ.
Sipas burimit, dokumentet e paraqitura nga Kim u referohen rasteve të shumta ku Misguided ka publikuar versionet e veta të veshjeve që Kim ka veshur më parë.
Në padi, Kim Kardashian kishte përfshirë fotot e postimeve të saj të mediave sociale dhe postimet e kompanisë pranë njëra-tjetrës, duke treguar ngjashmëritë dhe keqinterpretimin e tyre.
Shpesh Missguided e etiketon Kim-in në postimet e saj në mediat sociale dhe përfshin edhe foto të saj duke u dhënë njerëzve idenë e gabuar se Kim është duke punuar me ta.
