Dy teste alkooli iu bënë agjentit doganor Olsi Belortja i cili është përgjegjës për aksidentin e rëndë ku mbetën të vdekur 3 persona në Devoll.
Drejtuesi i mjetit rezulton të kishte pirë alkool gjatë testit të bërë nga policia, ku ka rezultuar se ka qënë në masën e 0.85 mg/l dhe 0.82 mg/l.
“Shqiptarja.com” raporton se Olsi Belortaja, ishte duke qarkulluar me automjetin e tij të markës Benz me targë KO 775 0B në rrugën nacionale Kapshticë-Bilisht, ku ishin duke udhëtuar si këmbësorë Anjeza Gani, Valmira Çuko dhe Semi Çuko.
Drejtuesi i mjetit humbi kontrollin dhe përplasi për vdekje këmbësorët të cilët ndërruan jetë në spital në Tiranë.
Pas aksidentit Olsi Belortaja është larguar nga vendi i ngjarjes dhe më pas është kapur në afërsi të fshatit Zëmblak nga policia.
