Peter ka lindur në Lissa, më 23 nëntor 1944. Aktualisht jeton mes Parisit, New York-ut dhe Arlesit.
Që nga viti 1980 ka qenë një nga personat më të diskutuar në botën e modës. Fotografon në bardhë e zi duke përdorur një gjuhë piktoreske të inspiruar nga kinemaja e hershme gjermane dhe nga kërcimi i lirë i 1920-ës. Në moshën 18- vjeçare u zhvendos në Zvicër. Tetë muaj më vonë shkoi nga Lucerme në Berlin. Aty ndoqi kurse natën në Akademinë e Arteve të Bukura. Më pas shkoi në Spanjë dhe Marok, një udhëtim që i mori një periudhë dyvjeçare. U rikthye më pas në Gjermani ku studioi pikturë në një kolegj në Krefeld.
Në vitin 1969, kur ishte ende student, hapi ekspozitën e tij të parë. Viti 1971 ishte ai që shënoi një kthesë në jetën e tij, ku u fokusua tek fotografia. Punoi për dy vite si asistent i fotografit Hans Lux. U zhvendos në Paris në vitin 1978, ku filloi punë për “Vogue”. Fillimisht për edicionin italian, atë anglez, francez dhe gjerman e më pas fotografoi edhe për revista si: “New Yorker”, “Vanity Fair”, “Allure” dhe “Rolling Stones”. Në vitin 1992 firmosi një kontratë 4-vjeçare me “Harper’s Bazaar” në New York. Në të njëjtën kohë ishte fotograf i fushatës së Giorgio Armanit, Jil Sander, Prada, Donna Karan, Calvin Klein and Comme des Garçons, Portraits of Catherine Deneuve, Mick Jagger, Charlotte Rampling, Nastassja Kinski, Tina Turner, John Travolta, Madonna, Sharon Stone, John Malkovich dhe shumë të tjerëve.
Puna e tij ka qenë gjithmonë e fokusuar te femrat, sepse ai i sheh ato si më misterioze dhe më interesante se meshkujt. Po me të njëjtin pasion ai punon mbi të panjohurën. Është e habitshme se çfarë e panjohura i bën zemrës, mendjes dhe çdo gjëje tjetër në brendësinë tonë! Ndoshta prandaj nuk i përdorte as ngjyrat. Për Peterin, ngjyrat e bënin një foto banale, kaq të dukshme ose thjesht ishtë ai që shkonte drejt bardhë e zisë. Gjithsesi, vitet e fundit bardhë e zija ngeli thjesht një detaj për Lindberghun, që nuk ka më rëndësinë dhe fanatizmin e dikurshëm. Ai i kërkoi asistentit të tij që fotot t’i kthente me ngjyra, për të parë mos ndoshta do dukeshin më mirë.
Peter Lindbergh është autor i disa filmave me metrazh të shkurtër, ku mund të përmendim: “Models, the film”, “Inner voices” dhe “Pina Bausch”.
*Publikuar në revistën “ICON” nr. 4
