Capital T njihet për bamirësitë e tij për njerëzit në nevojë.
Si një djalë tepër bujar që është, ai ka vendosur që të bëjë një gjest prekës duke qenë se jemi në muajin e shenjtë të Ramazanit.
Capital T ka shtruar iftar për 310 jetimorë që strehohen në shoqatën “Jetimët e Ballkanit”.
Gjestin madhështor të reperit e ka bërë të ditur hoxhë Halil Kastrati, i cili ka publikuar disa foto ku reperi shfaqet i ulur në tryezë bashkë me fëmijët jetimë.
“Me Trim Ademi, Capital T. Trimi sot e dhuroi Iftarin për 310 persona në kuzhinën tonë si dhe ishte bashkë me ne në Iftar. Zoti e shpërbleftë”, shkruan Halil Kastrati.
Capital T është një ndër reperët më të ndjeshëm sa u përket njerëzve në nevojë dhe ky gjest i tij në këtë muaj agjerimi na e vërtetoi edhe më shumë.
