Ditën e sotme rreth orës 15:00 ka ndodhur një grabitje në zonën e aeroportit të Rinasit dhe siç është raportuar, një nga grabitësit ka mbetur i vdekur. (detajet mund t’i lexoni këtu)
Ndërkohë së fundmi është zbuluar edhe shuma marramendëse e cila dyshohet se është grabitur nga një avion që do të udhëtonte në drejtim të Vjenës.
Burime policore kanë konfirmuar se janë grabitur rreth 10 milion euro, megjithatë vlen të theksohet se shuma në fjalë nuk është bërë zyrtare ende.
Thuhet se grabitësit janë larguar nga vendi i ngjarjes me një tjetër automjet i cili është gjetur i djegur në një zonë mes Tapizës dhe Bathores.
Aktualisht janë shoqëruar nga policia mbi 40 persona të cilët dyshohet të kenë njohuri rreth asaj që ndodhi. /balkanweb.com
