Më 6 tetor të vitit të kaluar kryebashkiaku i Tiranës, Erion Veliaj dhe bashkëshortja e tij, Ajola Xoxa, u bënë prindër për herë të parë.
Dhe data 6 e çdo muaji mbetet një ditë e veçantë për prindërit e rinj. Në këtë 6-mujor, Ajola ka një mesazh special për djalin e saj Kajan, por edhe për të gjithë prindërit e fëmijëve.
Në një postim në Instagram, ajo shkëput një pjesë nga libri i dashur për të vegjlit, “Princi i vogël”.
“6 muaj me Kajan sot. Ndërkohë si sot përpara 76 vitesh botohej për herë të parë ‘Princi i vogël’ i Saint Exupery-së, një ndër librat që fëmijët duhet me patjetër të lexojnë. Po shkëpus një pasazh të vogël, një mësim për Kajanin dhe të gjithë bebat: ‘Nëse do të ndërtosh një anije, mos i mblidh burrat e gratë për t’u dhënë urdhra, për t’u treguar si ndërtohet… Nëse do të ndërtosh një anije, bëj të lindë në zemrat e tyre dashuria për detin. Ata do ta ndërtojnë vetë anijen’”, shkruan Ajola, ndërsa dy fotot e postuara prej saj i gjeni në këtë libër.
Deri më tani çifti ka vendosur që të mos ndajë imazhin e plotë të vogëlushit.
