Ky është një moment tronditës kur një luan papritur sulmon trajnerin e cikut para audiencës, ku kishte fëmijë dhe të rritur, në Lugansk të Ukrainës.
Turma nisi të bërtiste nga frika kur trajneri i njohur, Hamada Kouta, u kafshua nga luani.
Videoja tregon momentin kur 32-vjeçari u hodh përtokë nga luani, i cili në mënyrë të papritur u bë agresiv.
Ai u dëmtua në krah, në këmbë dhe në pjesën e kurrizit, para se të menaxhonte të luftonte grabitqarin.
Kouta, i cili është me origjinë nga Egjipti, por ka punuar në ciqet ruse për shumë vite, luftoi me luanin që më pas u zmbraps dhe vrapoi jashtë skenës.
“Kur hyri i bëra thirrje që të ulej, por ai refuzoi. Eca pak hapa pas, kishte një mbajtëse, u pengova dhe u rrëzova. Luani u hodh dhe më kafshoi, por falë Zotit jo në pjesën e qafës. Më pas më la. U lëndova te kurrizi, krahu dhe këmba. Shenjat e dy gërvishtjeve dhe një dhëmbi i kam në këmbë, kam shenja dhëmbësh në krah dhe një shenjë dhembi 4 cm të thellë në kurriz”, tregoi Kouta.
Pavarësisht se kishte gjak nëpër trup, ai rinis shfaqjen nga e para sikur nuk kishte ndodhur asgjë.
Burimi: Daily Mail
