Trailer-i i filmit “2 Gisht Mjaltë” i cili doli në datën 26 shkurt, u prit mjaft mirë nga publiku shqiptar.
https://www.instagram.com/p/BuW89GSFnrM/?utm_source=ig_embed
Shpërndarjet, pëlqimet dhe komentet ishin të shumta rreth komedisë në fjalë, ndërkohë u lajmërua se më datën 28 mars të gjithë do të kishin mundësinë ta shikonin filmin në të gjitha kinematë shqiptare, por jo vetëm.
Mbrëmjen e sotme, vetëm një ditë përpara publikimit të filmit, konkretisht në premierën e komedisë, janë publikuar imazhe të dy protagonistëve kryesorë… të Ermal Mamaqit dhe të Elvana Gjatës.
Në një video të bërë publike nga “revistawho.com” vëmendjen e të gjithëve duket se e ka marrë këngëtarja e cila duket rrëzëllitëse!
Ajo ka zgjedhur të veshë një fustan ngjyrë jeshile neon, që është një nga tendencat më të rëndësishme të modës
për këtë vit. Ndërsa flokët e kapura bisht i shkojnë tej mase me fustanin. Realisht ajo shkëlqen!
Rikujtojmë se pjesë e kastit të filmit janë figura të rëndësishme të kinematografisë shqiptare, si Bujar Asqeriu, Marjana Kondi dhe Natasha Sela.
Mezi po e presim!
