Hiri i Karl Lagerfeld do të përzihet me atë të ish-partnerit të tij, i cili vdiq nga SIDA në vitin 1989 dhe ishte shoqëruesi i tij më i afërt.
Dizajnuesi legjendar i “Chanel”, që vdiq dje në moshën 85-vjeçare, ishte në një marrëdhënie me Jacques De Bascher, i cili ishte një figurë e mirënjohur në botën e modës në Paris në 1970-n dhe njihej si një “djalë i keq”.
De Bascher ishte gjithashtu i dashuri i Yves Saint Laurent dhe Lagerfeld ishte në dijeni për marrëdhënien e tyre, por “bëri një sy qorr”.
Vetë Lagerfeld pohoi se nuk kishte fjetur kurrë me De Bascher, pavarësisht se qëndruan për 18 vite bashkë dhe u kujdes me dashuri për të gjatë kohës që vuante nga AIDS.
Spekulimet thonë se lidhur me dërgimin e trupit të Karl për në banesën e fundit do të bazohen në shprehjen e tij: “Nuk do të ketë funeral. Më mirë të vdisja!”.
Sipas “Le Monde” u zbulua nga njerëz të afërt me Lagerfeld se, ai kishte mbajtur një qyp me hirin e De Bascher dhe u kishte kërkuar të afërmve që t’ia përzinin me hirin e tij pas vdekjes.
Shumë persona nga bota e modës kishin refuzuar të flisnin për De Bascher, i cili ishte i njohur si një varës i alkoolit, drogës dhe seksit.
Ai tërhiqte vëmendjen e meshkujve dhe të femrave. Në vitet 1970, De Bascher ishte në një marrëdhënie me Saint Laurent, ndërsa u mësua se ai pëlqente lojërat gjatë seksit dhe në një prej tyre mbylli dizajnuesin në një dollap.
De Bascher ishte vetëm 19 vjeç kur u takua me Lagerfeld dhe dizajnuesi u dashurua menjëherë me të.
Burimi: Daily Mail
