Një ngjarje e paprecedentë ndodhi sot në Kuvend, kur kryeministri Edi Rama u spërkat me bojë nga deputeti demokrat Edi Paloka.
Ngjarja ndodhi në momentin që në foltore për të folur ishte Fatmir Mediu. Në këtë moment, Plaoka është ngritur nga karrigia e tij dhe i është drejtuar Ramës duke e spërkatur me bojë, përmes një shiringe.
Reagimi i Palokës erdhi pas replikës së Ramës, ku kryeministri i kërkoi falje Talat Xhaferit për sjelljen e Bashës, duke e quajtur fëmijë.
“Ju kërkoj ndjesë për këtë shkelje të kodit të mikpritjes, por ky fëmijë që sapo foli, jo vetëm që nuk i mendon ato që thotë, por nuk di edhe çfarë thotë”, tha Rama, ndërsa kjo deklaratë e tij irritoi deputetët e opozitës.
