Alketa Vejsiu ka kujtuar sot idhullin e saj të fëmijërisë.
Bëhet fjalë për të famshmen Lorella Cucarini, të cilën moderatorja shqiptare e adhuronte kur ishte adoleshente dhe ka ndjekur gjithnjë shembullin e saj.
Përpos disa fotove me aktoren italiane, Alketa ka publikuar në Instagram, disa video të vjetra të arkivës speciale të të gjitha daljeve të saj publike.
Vëmendjen na tërhoqi një video e vjetër ku Alketa ka qenë adoleshente dhe i ka kërkuar gazetares së TVSh-së që të intervistohej pasi një ditë e dinte që do të bëhej e famshme!
“Vite më parë i pata kërkuar në shkallët e TVSH Gazetares së programit të mëngjesit që të më intervistonte sepse një ditë do të bëhesha e famshme. Këtë kasete ku them se “Dua t’i ngjaj Lorella Cucarinit” daja im e ruante ne një arshive speciale të të gjitha daljeve te mia. Ai e kishte Televizorin te lidhur me videon dhe kujdesej me fanatizëm për këtë.
Ja kështu mbeten gjurmët e historisë se jetës ne shirita kasetash që sot mund te ilustrohen me takime të vërteta e të gjalla, të ëndrrave të fëmijërisë.
Lorella Cuccarini mbetet fantastike!
