Një krim në familje tronditi kryeqytetin mëngjesin e kësaj të marte, kur një punonjës i Gardës së Republikës vrau me armën e shërbimit bashkëshorten e tij, 36-vjeçaren, Ervilma Seferi.
Ngjarja ndodhi sot rreth orës 06:00 në banesën e çiftit në Allias, ndërsa pas krimit u vu menjëherë në pranga autori, 44-vjeçari Alket Arapaj.
Deri më tani nuk dihen ende motivet që e kanë shtyrë këtë të fundit të ndërmarrë aktin e rëndë.
Mësohet se Alketi është babai i një vajze dhe rezulton që ai edhe bashkëshortja ishin besimtarë myslimanë. Në një postim, kjo e fundit shfaqet edhe e mbuluar me shami, ndërsa publikimet e shumta të tij janë fetare dhe i dedikohen falënderimit të Allahut.
