Ditën e djeshme mësuam se Ariana Grande kishte hequr dorë nga performanca në “Grammy Awards”, pasi ishte ndjerë e ofenduar nga producentët.
Ariana vendosi që jo vetëm të mos performojë në ceremoni, por as të mos marrë pjesë në Grammys, edhe pse ajo është tashmë pjesë e nominimeve për çmimet Best Pop Vocal Album dhe Performanca më e mirë Pop Solo.
Dhe pak orë më parë mësuam se në vend të Ariana Grande-s, do të këndojë këngëtarja e njohur shqiptare, Dua Lipa e cila po korr sukses kudo me muzikën e saj.
Në postimin e fundit në “Instagram” këngëtarja nga Kosova shkruan do të performojë në “Grammy Awards” që pa frikë mund të cilësohet si më prestigjiozët përsa i përket vlerësimeve dhe çmimeve që ajo jep.
“E fundit para se t’ju bombardoj me çmenduritë e #grammyweek!! Oh a ju thashë që do të performoj këtë të diel në Grammy Awards?”
Dua Lipa është përzgjedhur për të performuar edhe në një nga eventet më të rëndësishme të ndarjes së çmimeve në Britani, “Brit Awards” që do të mbahet më 20 shkurt në skenën e “O2 Arena” në Londër.
