Pavarësisht se në krahasim me vendet e rajonit kemi pagat më të ulëta, sërish populli shqiptar mbetet kursimtar. Dhe shifra kursimeve në depozitat, sipas Bankës së Shqipërisë arritën në 4 miliardë euro në 2018-n.
Ky është niveli më i lartë i regjistruar ndonjëherë i kursimeve në monedhën euro.
Shtimi i depozitave në euro në 2018-n ishte shumë më i lartë krahasuar me vitin e mëparshëm, kur ato u rritën me vetëm 68 milionë euro.
Në vitin 2018 rritja erdhi nga depozitat pa afat të individëve dhe nga kursimet e korporatave jo financiare.
Rreth 77% e depozitave në euro zotërohen nga individët, ku më të preferuarat janë ato me afat 1-vjeçar (35% e totalit të individëve).
Nga ana tjetër depozitat në monedhën vendase shënuan rënie në 2018-n, duke u tkurrur me rreth 4%, apo gati 17 miliardë lekë më pak.
Në total, depozitat të raportuara në lekë ishin 988 miliardë lekë, me një tkurrje prej 3.2%, të ndikuar nga leku.
Burimi: Monitor
