Publikohet një tjetër sektor në të cilin Shqipëria mbtete e fundit në Europë dhe lidhet me shpenzimet për kërkim dhe zhvillim.
EUROSTAT raportoi se mesatarja e investimeve në kërkim dhe zhvillim në BE ishte 2.07% e PBB-së, ndërsa në Shqipëri shpenzimet për këtë zë ishin vetëm 0.03% të PBB-së, me një shumë më pak se 500 milionë lekë.
Shqipëria jo vetëm që ka nivelin më të ulët në aspektin kërkimor, por ka një diferencë të thellë si me vendet e Europës dhe ato të rajonit.
Në vendet në zhvillim dhe ato të Ballkanit, investimet në kërkim dhe zhvillim janë përgjithësisht mbi 0.5% e PBB-së, ndërsa në Serbia ka nivelin më të lartë të shpenzimeve me 0.9% të PBB-së. Vitin e kaluar, qeveria shqiptare shpenzoi më pak se 500 milionë lekë, prej të cilave 110.5 milionë lekë shkuan për Akademinë e Shkencave dhe 480 milionë lekë ishin fonde që Ministria e Arsimit do të përdorë për kërkimin shkencor.
Në 2017, Shtetet Anëtare të Bashkimit Europian shpenzuan së bashku gati 320 miliardë euro për Kërkimin dhe Zhvillimin (R & D).
Në vitin 2017, intensiteti më i lartë i R & D u regjistrua në Suedi (3,33%) dhe Austri (3,16%), pasuar nga Danimarka (3.06%) dhe Gjermania (3.02%), ndërsa Finlanda (2.76%) dhe Franca (3.0%).
Në fund të kundërt të shkallës, tetë shtetet anëtare regjistruan një intensitet R & D nën 1%: Rumania (0.5%), Letonia (0.51%), Malta (0.55%), Qipro (0.56%), Bullgaria (0.75%), Kroacia (0.86%), Lituania dhe Sllovakia 0.88%) dhe Shqipëria me 0.03 %.
Burimi: Monitor
