Lady Gaga kërkoi falje për bashkëpunimin e saj të mëparshëm me R Kelly, pasi këtij të fundit iu publikua dokumentari në të cilin femrat zbulojnë abuzimet e shumta seksuale.
“Akuzat kundër R Kelly janë absolutisht të tmerrshme”, shkroi Gaga në një deklaratë të mërkurën, duke kërkuar falje për këngën e vitit 2013, “Do What U Want”, që e solli me reperin.
https://www.youtube.com/watch?time_continue=1&v=A4123vzCDS4
Gaga theksoi se video është realizuar në një periudhë të errët të jetës së saj.
“Si viktimë e sulmeve seksuale, e bëra këngën dhe videon në një periudhë të errët të jetës sime. Qëllimi im ishte të sillja diçka jashtëzakonisht sfiduese dhe provokuese, sepse isha e zemëruar dhe ende nuk e kisha kaluar traumën që ndodhi në jetën time”, shtoi ajo.
32-vjeçarja u shpreh se mbështet të gjitha gratë që kanë folur në dokumentarin e “Surviving R Kelly” dhe se zërat e tyre duhet të dëgjohen dhe të merren seriozisht. Gratë që u shfaqën në dokumentar kritikojnë edhe këngëtaren për bashkëpunimin me të akuzuarin dhe për videon provokuese.
Ajo tha do ta heqë këngën nga iTunes dhe platformat e tjera, si dhe nuk do të punojë kurrë me R Kelly.
Kujtojmë se para pesë vitesh, Kelly u akuzua për pornografi me të mitur, e cila u zbulua me një kasetë seksi që thuhet se tregon përdhunimin dhe pastaj urinimin mbi trupin e një vajze 14-vjeçare.
Në atë kohë ka pasur akuza nga disa femra, por kjo nuk e ndaloi Gaga-n dhe Kelly-n që të sillnin bashkëpunimin me performancën sensuale.
Burimi: Daily Mail
