Pasi përfundimit të festivalit “Kënga Magjike”, këngëtarja Fifi e cila doli në vend të tretë bashkë me MC Kreshën me këngën “Psikopatja jote”, i ka bërë një kërkesë publike Ardit Gjebreas.
Fifi ishte këtë të diel në emisionin “E Diela Shqiptare”, ku performoi bashkë me moderatorin e njohur këngën konkurrente për në festival.
Të ulur përtokë, Ardit, Fifi dhe Kresha performuan një prej baladave që fitoi zemrat e të gjithëve këtë vit në “Këngën Magjike”.
Në një postim në Instagram, Fifi i thotë Arditit se është artisti i saj i preferuar, ndërsa i kërkon edhe një bashkëpunim.
Për t’ia arritur qëllimit ajo shprehet se do të fusë mik MC Kreshën.
“Ardit Gjebrea, e nderuar që e kam kënduar këngën bashke me ty. Je artisti im i preferuar. Publikisht të kërkoj një bashkëpunim dhe fus mik Mc Kreshën që të pranosh”, shkruan Fifi ndër të tjera.
Për të gjithë ju që nuk e dini, Ardit Gjebrea e ka kontaktuar dhe ftuar personalisht reperin nga Kosova, në festival.
