Kur këngëtari Nick Jonas propozoi për martesë aktoren Priyanka Chopra këtë vetë, të gjithë e morrëm me mend se dasma e tyre do të ishte unike, për shkak të ndërthurjes së traditave, kulturave, fesë dhe familjes.
“Çdo vajzë ëndërron të jetë një princeshë në ditën e dasmës, por unë kurrë nuk e planifikova sesi do të isha.” – u shpreh aktorja 36-vjeçare.
Në kopertinën e revistës “People”, Priyanka zbulon se ishte idea e partnerit të saj që dy ceremonitë e dasmës të mbaheshin në Indi.
“Më shkriu zemrën kur e tha. Dy dasmat tona në Indi, me miqtë më të afërt dhe familjen ishte shumë speciale. Si një ëndërr” – rrëfen Pryianka.
Aktorja kujton momentin kur eci drejt altarit, e veshur me fustanin e bardhë të stiluar nga Ralf Lauren dhe me një vello të gjatë, 22 metra.
“Isha në lot. Nuk mund të mbaja dot as buqetën në dorë. Kisha shumë frikë dhe isha nervoze. Por sapo perdet u hapën dhe pashë fytyrën e tij, gjithçka ndryshoi. U qetësova dhe kuptova se po marr vendimin më të rëndësishëm të jetës sime” – tha 36-vjeçarja.
“Isha shumë i emocionuar për të dyja ceremonitë, sidomos për atë perëndimoren. Të gjithë jetën e imagjinon atë moment. Sinqerisht, ishte edhe më perfekt seç e kisha imagjinuar. Ishte shumë emocionuese” – rrëfeu këngëtari Nick Jonas.
Pasi çifti i ri u kurorëzua në martesë në dy ceremoni gjatë fundjavës, ata përfunduan festimet me “Biddai-n”, një ritual në Indi ku familja e nuses bekon jetën e re me aktorin Jonas. Për këtë ceremoni, aktorja kishte zgjedhur një fustan të kuq tracional indian.
“Unë e adhuroj faktin se dasma jonë ishte një ndërthurje kulturash. Ne nuk harruam traditat e bukura të vendit ku u rritëm. Është shumë e mrekullushme të gjesh gjuhën e përbashkët kur vjen puna tek besimi dhe t’i respektosh në mënyrën më të bukur” -përfundoi aktorja 36-vjeçare.
Për të parë, një copëz nga albumi i dasmës, ndiqni fotot më poshtë:
