Pas një pritje të gjatë, Ariana Grande publikoi videoklipin e këngës së saj “Thank U, Next” dhe duket një vepër arti e kinematografisë. Jo vetëm që ka bërë bashkë një pjesë të mirë të Hollywood-it, por risolli 4 filmat historike që na kanë ndjekur për vite me rradhë: si “Legally Blonde”, “13 Going On 30”, “Bring It On” dhe “Mean Girls”.
Mirëpo, gjatë klipit Ariana ka qënë shumë e vëmendshme të fshehë edhe disa mesazhe dhe kush ishte i shkathët, i kapi!
Fillimisht, ajo i kërkoi falje ish-të fejuarit të saj Pete Davidson dhe nuk nguroi t’i shprehte dashurinë (Lexo këtu).
Për Ricky-n
Klipi ka aq shumë skena, sa mund t’ju ketë shpëtuar momenti kur Ariana flet për ish-in e saj Ricky Alvarez. Në librin “Burn Book” gjatë sekuencës ku rikrijohet “Mean Girls”, këngëtarja e hitit “Dangerous Woman” shkruan “Kohëra të mirë”, “Përgjithmonë miq” si dhe “kërcimtar i mirë”. Pra, sipas Arianës, ish-et mund të bëhen miq pas ndarjes.
Dashuria ndaj të vëllait
Ariana nuk harroi të përfshinte edhe të vëllain Franike Grande gjatë klipit. Fansat e vëmendshëm vunë re se në dhomën e improvizuar si të këngëtares gjatë klipit, kishte edhe një foto të vëllait.
Parashikimi i motit
Fansat e “Mean Girls” e kujtojnë sesi Karen është praktikisht vajza e motit. Gjatë filmit, ajo parashikon nëse do të bie shi ose jo, thjesht duke prekur gjoksin. Kështu që, edhe gjatë klipit, nuk e kishin harruar këtë detaj.
Lover
Këngëtarja ka zgjedhur të përmendë titujt e këngëve të reja gjatë klipit të “Thank U, Next” dhe “Lover” është një ndër to.
Targa e makinës “Seven Rings”
Pasi fansat panë “Breathin” të shkruajtur diku gjatë klipit,ishin të bindur se targa “Seven Rings” është titulli i këngës së re.
