Stine është një baba shumë i lumtur. I ftuar në emisionin “KafeIN”, këngëtari i hitit “Ishe ti” tregoi se Estia, e cila është 2 vjeç, i ka ndryshuar tërësisht jetën dhe tanimë ndihet i plotësuar dhe shumë i lumtur.
“Shpirtërisht jam shumë mirë, i plotësuar. Jam prind i një vajze. Kur nuk isha prind nuk e dija që do të isha kaq bukur, tani që u bëra me vajzë jam shumë i lumtur. Duhet ta përjetosh që ta kuptosh.” – u shpreh këngëtari.
Mirëpo, një lajm i keq për fansat e tij është se Stine do të braktisë përfundimisht Shqipërinë dhe do të zhvendoset në Gjermani. Por përpara se të largohet, Stine paralajmëroi se brenda këtij viti do të sjellë disa produksione të reja, madje ka gati albumin e tij.
“Do të dalin më shumë se dy projekte, sepse nuk bëra pushime vere. Jam marrë vetëm me albumin që do të publikohet. Albumi për mua është një libër! Tregon artistikisht mesazhin që do të japësh sepse një këngë nuk tregon asgjë.” – tha Stine.
