Kur je në një transmetim LIVE, gjithçka mund të ndodhë! Mund të përfshihesh aq shumë nga emocionet, sa nis të qash e të qeshësh pa e kontrolluar dot!
Pak ditë më parë, ishte moderatorja e emisionit “7 pa 5” Pranvera Borakaj e cila dridhej nga të qeshurat, pas një lidhje në “Skype” me të ftuarin.
Por nuk paska qënë e vetmja! Olti Curri ka publikuar në profilin e tij në “Instagram”, një video të ngjashme ku spikerja e lajmeve Mirela Milori nuk e kontrollon dot të qeshurën gjatë një interviste në studio.
Analisti Fatos Lubonja komenton në foton e kryeministrit Edi Rama pranë një papagalli, ndërsa Milori nis dhe qesh pa pushuar.
“Nevoja që ka njeriu për të dashuruar, për të bërë mirë. Ne jemi një popull i varfër e kupton, dhe kemi nevojë që kryeministri të na dojë, mirëpo te ajo fotografia duket shumë i kënaqur. Nuk i mungon dashuria e njerëzve të tjerë edhe i ka ngel papagalli, kupton. Ai duket shumë i kënaqur se e do gjithë bota dhe papagallin e ka për të tallur, kupton ti? Ndërkohë që ne një populli varfër kemi nevojë për shumë dashuri. Ky është përshkrimi që i bëra unë” – komenton analisti Fatos Lubonja.
Në fund të fjalës së tij, spikerja e lajmeve arrin të rikthehet serioze dhe vijon me intervistën.
