Plot 78 autobusë të linjave të ndryshme urbane, janë kontrolluar mëngjesin e sotëm në Tiranë, ku dy prej tyre ishin nën efektin e alkoolit.
Gjithashtu përgjatë kontrolleve u vendosën edhe 34 masa administrative, për shkelje të tjera të rregullave të qarkullimit rrugor.
Policia Rrugore e Tiranës, thotë se kontrollet janë zhvilluar nisur nga shqetësimet e shumta të adresuara në numrin emergjencave 112, në lidhje me shkeljet e rregullave të qarkullimit nga drejtuesit e mjeteve të transportit publik qytetas.
Në komisariat vijnë kryesisht telefonata për përdorim alkooli nga drejtuesit e autobusëve, manovra të rrezikshme në rrugë, mosrregullim shpejtësie etj.
