Pas ndarjes së bujshme nga ish i fejuari, Pete Davidson, këngëtarja Ariana Grande duket se ka vendosur të largohet nga të gjitha rrjetet sociale.
Pasi publikoi një Instastory ku konfirmoi ndarjen nga i fejuari me një foto ku shkruante se për pak ankthi do e mbyste ndërkohë që përgatitej për shfaqjen e NBC që do të jepet për festën e Halloween, ajo ka vendosur t’i thotë lamtumirë internetit.
“S’mund ta besoj se për pak e lashë ankthin të më shkatërrojë ditën dot! Jo sot Satan! As nesër e asnjë ditë tjetër!” – shkruante ajo në postimin që më vonë e fshiu.
Ndërsa direkt pas shfaqjes së përgatitur nga NBC për Halloween ajo postoi një tjetër Storie ku tregonte vendimin e ri duke shkruar: “ Sot ishte një ditë e veçantë dhe jam shumë mirënjohëse që mora pjesë. Tani është momenti të largohem nga interneti për disa kohë. E kam të vështirë të përballem me situata që po përpiqem t’i lë pas krahëve. Është e trishtë dhe ne po mundohemi të shohim përpara! Ju dua dhe faleminderit që jeni gjithmonë këtu!
Pete dhe Ariana u fejuan në maj, pak ditë pasi ajo u nda nga Mac Miller.
