Këngëtarja Era Rusi ishte e ftuar ditën e sotme në emisionin “Rudina” për të promovuar klipin e saj më të ri me titull “Më dhemb dashnia”.
Gjatë bisedës në studio, këngëtarja foli edhe për pasionin më të ri të saj, pikërisht për qitjen. Era rrëfeu se në këtë lloj mënyrë shkarkon të gjithë energjinë negative që ka mbledhur gjatë javës. Nën shoqërinë e instruktorit, Era shfaq talentin e saj në sportin e qitjes dhe duket se nuk gabon asnjëherë.
“Qitja është një lloj adrenaline që nuk e kisha njohur më përpara. Është një nga ato dashuritë që kur e zbulon nuk e lë më. Është sport me të cilin shfryhesh. Më pëlqen shumë sepse është edhe sport privat. Për momentin është i vetmi sport që praktikoj, është dashuri e re”- tha Rusi.
