Një film shqiptarë do të garojë për çmimet “Oscar”.
Filmi ‘Martesa’ me skenar dhe regji nga Blerta Zeqiri, fitues i dy çmimeve ne Festivalin e Filmit në Talin, është propozimi zyrtar i Kosovës per kategorinë ‘Filmi me i mire i huaj’ në garën e madhe të çmimeve “Oscar”.
Filmi flet për një trekëndësh dashurie para dhe gjatë një martese, një lidhje brenda së njëjtës gjini, një temë që për realitetin shqiptar është ende tabu.
“Jam shumë e lumtur që Kosova më ka propozuar e që shteti ynë po prezantohet me filmin “Martesa”. Nuk kam shumë shpresa, sepse është një garë shume e madhe, konkurrojnë shume filma nga e gjithë bota. Jam shumë e lumtur, por në të njëjtën kohë nuk është se kam shumë shpresa se do t’ia dalim, sepse është shumë-shumë e vështirë”, u shpreh Blerta Zeqiri, regjisore.
