Humbi këmbën në aksident në moshën 13-vjeçare, fiton vendin e 3-të në “Miss Italia”

Një modele e cila humbi këmbën e saj gjatë një aksidenti kur ishte 13 vjeçe, ka arritur të rrëmbejë vendin e tretë në finalen e “Miss Italia”.

Chiara Bordi, 18 vjeçe, shfaqi me krenari këmbën e saj me protezë gjatë konkursit të bukurisë, edhe pse shumica e ndjekësve mendonin se gjendja e saj u bë shkas për renditjen.

Lexo edhe :

Ishte vetëm 23 vjeç kur një ndeshje i ndryshoi jetën përgjithmonë/ Shuhet Prichard Colón, boksieri që kaloi 221 ditë në koma

22:27 13/08/26

Kur të vjedh njeriu që i besoje më shumë: A mund të shpëtojë një miqësi pas një tradhtie të tillë?

14:28 13/08/26

Finalja u shoqërua nga fyerjet që Chiara mori në internet për paaftësinë e saj gjatë ditëve të fundit. Duke iu përgjigjur fyerjeve në Facebook, Chiara tha:

‘Po mungon një këmbë, por juve ju mungon zemra dhe truri”.

“Unë nuk jam e interesuar të fitoj, por t’i tregoj botës se jeta është ende e bukur kur rilind pas një ngjarjeje dramatike”.

Ajo e përshkruan veten si një modele bionike në profilin e saj në Instagram dhe ka punuar me organizatën britanike “Modelet e Diversitetit”, e cila punon për të promovuar më shumë diversitet brenda industrisë së modës.

Në profilin e saj, Chiara, e cila është nga provinca qendrore Tarquinia, shpjegon sesi ajo do të donte të studionte për t’u bërë një kirurge ortopedike.