Dashi
Të lindurit në shenjën e Dashit duhet të kenë durim, nëse gjërat me partnerin nuk shkojnë fort mirë. Prisni deri javën e ardhshme, kur Venusi nuk do të jetë më në pozicion jo të favorshëm me shenjën tuaj. Nëse merrni tani vendime të ngutura, mund të pendoheni më vonë. Përqendrohuni tek e mërkura dhe e enjtja këtë javë, se do të jenë ditë me fat dhe mund të merrni ndonjë lajm të bukur ose të keni ndonjë takim interesant.
Demi
Edhe këtë javë planeti Mërkur mund t’u shkaktojë disa probleme të lindurve në shenjën e Demit. Përpiquni të keni durim, sepse javën tjetër gjithçka do të jetë më e thjeshtë dhe më e lehtë për t’u zgjidhur, sidomos në sferën profesionale. Ndërkohë, ju pret një fundjavë e këndshme, sepse Hëna do të hyjë në shenjën tuaj.
Binjakët
Binjakë, shijojeni në maksimum këtë javë të fundit të gushtit, pasi planetët do t’ju dhurojnë fat dhe dashuri. Venusi në pozicion të favorshëm do t’ju bëjë t’ju rrahë zemra fort, qoftë për ndonjë histori dashurie solide, qoftë për ndonjë flirt a aventurë të rastit. Në punë, do të vazhdoni të arrini sukses, ditët më me fat paraqiten e mërkura dhe e enjtja, pasi do t’ju vijë Hëna në ndihmë.
Gaforrja
Të lindurit në shenjën e Gaforres, për fat të keq, edhe këtë jetë do të jenë në ndikimin negativ të Venusit dhe nuk do ta kenë të lehtë. Planeti i dashurisë nuk po ju lë të qetë dhe shkakton trazira në raportin tuaj. Kujdes me ngritjen e zërit, sidomos në ditën e mërkurë dhe të enjte, kur Hëna në pozicion jo të favorshëm, mund t’jua shtojë dozën e nervozizmit. Përqendrohuni kryesisht në fundjavë, pasi do të jeni më të qetë si ju dhe partnerët përkatës.
Luani
Muaji gusht do të mbyllet në mënyrë të shkëlqyer për të lindurit në shenjën tuaj. Kjo javë paraqitet mjaft pozitive, pasi Mërkuri është në pozicion të favorshëm me shenjën tuaj. Nëse keni për të bërë kërkesa apo propozime, mor ngurroni! Do të merrni përgjigje të volitshme. Ditët më me fat të javës do të jenë e mërkura dhe e enjtja, ndërsa në fundjavë mund të ndiheni disi të plogësht dhe të demoralizuar.
Virgjëresha
Kjo javë nuk do të nisë fort mirë për të lindurit në shenjën tuaj. Të hënën dhe të martën do të përballeni me kundërshtinë e Hënës në shenjë, ndaj do të ndiheni pa humor dhe të tensionuar. Mos u shqetësoni së tepërmi, sepse nga java tjetër, hyrja e Mërkurit në shenjë do t’ju sjellë plot risi, njëra më e mirë se tjetra. Shijoni fundjavën plot dashuri dhe argëtim, falë ndikimit pozitiv të Hënës.
Peshorja
Edhe këtë javë Venusi do të ketë një ndikim mjaft të mirë për të lindurit në shenjën e Peshores. Romantizmi do të jetë në plan të parë, çiftet që janë bashkë prej vitesh do të hedhin hapa të mëtejshëm e do të bëjnë projekte për të ardhmen. Edhe në sferën profesionale ju pret një rikthim plot surpriza pas pushimeve. E mërkura dhe enjtja paraqiten ditë disi më të zymta dhe të lodhshme.
Akrepi
Të lindurit në shenjën tuaj do të përballen edhe këtë javë me ndikimin negativ të Mërkurit, që do të shkaktojë disa probleme. Mos u shqetësoni, shumë shpejt do të zhbllokohet një situatë që e keni shumë për zemër. Deri atëherë, përpiquni të ruani qetësinë dhe të pranoni faktin se jo çdo gjë e keni vetë në dorë. Fundjava paraqitet tejet e tensionuar nga kundërshtia e Hënës në shenjë. Mund të hasni tensione dhe keqkuptime me partnerin.
Shigjetari
Muaji gusht mbyllet në mënyrë të shkëlqyer për të lindurit në shenjën tuaj. Disa prej jush mund të kenë takuar rishtas një person mjaft të veçantë, mbase atë të duhurin, apo të kenë përjetuar ndonjë aventurë emocionuese. Hareja dhe qetësia e javëve të fundit do të vazhdojnë edhe këtë javë. Hëna do t’ju buzëqeshë kryesisht të mërkurën dhe të enjten. Ndërsa të hënën dhe të martën mund të hasni ndonjë pengesë të vogël.
Bricjapi
Të lindurit në shenjën e Bricjapit edhe këtë javë do të durojnëVenusin në pozicion jo të favorshëm. Nëse raporti në çift arrin t’i shpëtojë këtij gushti mjaft konfliktual, do të thotë se është i destinuar të vazhdojë gjatë. Ditët më të tensionuara të javës do të jenë e mërkura dhe e enjtja, ndërsa në fundjavë do të rikthehet qetësia. Edhe pse me pushime, e keni mendjen te puna. Kur të ktheheni, ju presin surpriza të bukura.
Ujori
Bëhuni të fortë, pothuajse po ia dilni mbanë! Më në fund, duke nisur nga java e ardhshme, për dy muaj rresht, Mërkuri do të ndryshojë shenjë dhe nuk do të ketë më ndikim negativ në shenjën tuaj. Mos e humbni besimin në vetvete, edhe nëse ju duket sikur nuk gjeni dot rrugëdalje. Shumë shpejt do t’ju duket sikur i zgjidhni më lehtë punët. Ndërkohë, gëzojuni ndikimit pozitiv të Venusit, që ju dhuron emocione të forta, sidomos të mërkurën dhe të enjten.
Peshqit
Java nis shkëlqyeshëm për të lindurit në shenjën tuaj, falë ndikimit pozitiv të Hënës në shenjë të hënën dhe të martën. Këto dy ditë paraqiten me fat dhe mund t’ju sjellin surpriza të bukura. Edhe gjatë fundjavës ndjenjat dhe pasioni do të marrin hov. Nëse jeni çift, do të ndiheni tejet të afërt me partnerin/en. Nëse jeni beqarë, mund të keni takime të paharrueshme. Hidhuni në sulm dhe mos kini frikë t’i shfaqni ndjenjat!
