Kohët e fundit ajo vendosi të shkonte në Britaninë e Madhe për një vizitë të shkurtër në një klinikë kozmetike.
Mel B ditën e djeshme tregoi rezultatet e ndërhyrjes në fytyrë, ndërsa shoqëronte një nga juristët e “America’s Got Talent”, Simon Cowell, për të zbuluar yllin e tij në “Walk of Fame”.
Këngëtarja 43-vjeçare dukej shumë e re dhe mësohet se ajo iu nënshtrua një tërheqje të fytyrës jo-kirurgjikale, të quajtur “Ultracel”. Kjo procedurë i kushtoi Mel 4.000 paund.
Gjithashtu ajo iu nënshtrua më parë edhe trajtimit të njohur si “Exilis Elite”, që me anë të një aparature arrin të ngrohë lëkurën dhe rrit kolagjenin në thellësi. Procedura zvogëlon sasinë e yndyrës dhe tendos lëkurën, për të dhënë një pamje më rinore.
Ajo ka promovuar edhe më parë procedurat jo-kirurgjikale: “Besoj që duhet të kesh versionin më të mirë të vetes dhe të mbash gjithmonë bukurinë natyrale. Më pëlqen fakti që nuk duhet t’i nënshtrohesh operacioneve”.
Burimi: Daily Mail
