Çifti i njohur i showbiz-it shqiptar, Sara Hoxha dhe moderatori Ledion Liço kanë tërhequr vëmendjen e mediave, jo vetëm me pushimet e tyre luksoze, por dhe me lajmin se këtë verë do t’i japin fund beqarisë.
Sikurse është përfolur në media Ledioni dhe Sara do të organizojnë një dasmë madhështore në Como të Italisë më 11 gusht, e cila do të pasohet edhe nga një super festë në datën 12 gusht.
Madje vetëm pak javë më parë u tha se Sara kishte organizuar festën e beqarisë në Mikonos të Greqisë së bashku me mikeshat e saj.
Mirëpo ndërkohë që na ndajnë vetëm 2 ditë nga momenti i shumëpritur, Sara dhe Lori janë nisur në një udhëtim me një avion privat. Me siguri ato janë nisur drejt vendit ku do të zhvillohet ceremonia e dasmës për të bërë edhe përgatitjet e fundit për momentin e shumëpritur.
Dasma e Ledionit dhe Sarës pritet që të jetë një ndër më madhështoret dhe në të do të jenë të pranishëm shumë personazhe të njohur.
