Prej disa muajsh përflitet se koreografi Albi Nako dhe një nga balerinat e trupës së tij, Alba Hoxha, janë në një lidhje. Ata janë fotografuar bashkë në evente, udhëtime si dhe në plazh dhe nuk duket aspak rastësi.
Madje burimet pranë çiftit shpreheshin se dyshja jo vetëm që është në një romancë, por ka nisur përgatitjet për fejesën, pasi së shpejti ata do të shkëmbejnë unazat. Dyshimet u ngritën edhe më shumë, kur Alba pozoi me një unazë në duar në një foto në profilin e saj në “Instagram”.
Në një prononcim për revistën “Class”, Alba është shprehur se nuk ka asgjë të vertëtë. Sipas saj, këto lajme të pavërteta kanë kaluar masën, ndaj duhet të marrin fund.
“Fejesa është një shpikje. Asgjë nuk është e vërtetë dhe mjaft më me aludime të tilla. S’jam në marrëdhënie me Albin dhe nuk dua të flitet më për këtë”, – thotë Alba duke i hedhur poshtë njëherë e mirë lajmet se ka një lidhje mes tyre.
