Kanë kaluar shtatë muaj që pas martesës surprizë me aktorin Justin Theroux dhe Jennifer Aniston nuk mund të jetë më e lumtur. Në një intervistë për “Harper’s Bazaar”, të kompletuar me fotografi të mrekullueshme, 47-vjeçarja flet për jetën e një të sapomartuare, por thotë se ajo e ndiente veten të martuar me aktorin shumë vite më parë. “Jeta e të martuarit është normale dhe argëtuese dhe jo shumë e ndryshme. Ne ndiheshim të martuar që prej shumë kohësh”, shpjegoi Jennifer.
Kur vjen puna tek kujdesia për veten, 47-vjeçarja shprehet se është vërtet e kujdesshme. Ajo stërvitet 5 herë në javë, i reziston sheqerit dhe dreka e saj zakonisht konsiston në një sallatë me proteina ose hamburger të mbështjellë me lakër.
“Ndihme më mirë në të 40-at e mia. Dhe jo vetëm ndihesh më mirë fizikisht, por edhe mendërisht. Sepse, për shembull, në të 20-at, nuk dinim asgjë. Për mua, në të 30-tat thjesht po përpiqesha të kuptoja çdo gjë. Më pas kur arrita të 40-at, isha kështu “Oh, ok. E kam nën kontroll këtë”. Ka femra që kanë arritur të 50-at dhe janë të mahnitshme. Ne thjesht kujdesemi mirë për veten”, u shpreh Jennifer.
Por përgjegjës për rininë e saj, mesa duket nuk është thjesht mënyra e shëndetshme e jetesës, por edhe bashkëshorti i saj Theroux. “Jam me fat pasi Justin është njeriu më argëtues që kam njohur dhe ne e bëjmë njëri-tjetrin për të qeshur. Buzëqeshja është një nga çelësat kryesorë për të qëndruar të rinj”, na tregon aktorja.
Burimi: Daily Mail
