Moderatorja e njohur e Digitalb, Bora Zemani ka konfirmuar zërat për lëvizje nga televizioni i Top Channel.
E ftuar dje në “Top Arena” për të folur për kampionatin botëror, Bora u pyet nëse do të ndërrojë stacion televiziv sezonin e ardhshëm dhe përgjigja e moderatores e konfirmoi këtë fakt.
“Profesion nuk do të ndërroj njëherë, me politikë nuk do merrem”, është shprehur moderatorja.
Burime për “Blitz.al” bëjnë me dije se marrëdhëniet mes saj dhe drejtuesve nuk janë më të mirat e mundshme kohët e fundit. Thuhet se Bora është konfliktuar me punëdhënësit e saj pasi ka pranuar të prezantojë eventin sportiv të organizuar nga Bashkia në Sheshin Skënderbej pa miratimin e tyre.
E pikërisht kjo përplasje mes Borës dhe drejtuesve të Digitalb sipas burimit thuhet se ka përfunduar me përjashtimin e Borës nga ky televizion, njofton “Blitz.al”.
