Një ditë më parë u mor vendimi që nxënësit e fillores, nga klasa e parë në klasë të katërt, do të përfitojnë librat falas. Qeveria mori dje vendimin që të lehtësojë barrën financiare të familjeve që kanë fëmijët në fillore, duke mbuluar me buxhetin e Ministrisë së Arsimit botimet shkollore.
Në një intervistë për “News24” drejtoresha e Arsimit Parauniversitar, Zamira Gjini, shpjegon se si do të funksionojë procedura.
Ajo tha se 125 mijë fëmijë përfitojnë librat falas dhe se ato duhet të rikthehen në fund të vitit shkollor.
“125 mijë fëmijë do të përfitojnë librat falas këtë vit me vendimin e ri. Të gjitha tekstet falas duhet që të rikthehen në fund të vitit shkollor. Shpërndarja e librave falas do të fillojë në shtator dhe tekstet do të merren në shkolla me praninë e prindërve”, tha Gjini.
Për t’u njohur të parët me lajmet më të fundit nga showbiz-i, moda, bukuria, aktualiteti etj., shkarkoni falas aplikacionin e iconstyle.al
iOS: (Kliko Këtu)
Android: (Kliko Këtu)
Burimi: News24
