Ka shumë faktorë që ndikojnë në vendimin e një femrë për të prerë flokët. Së pari janë trendet e reja në Instagram dhe në Hollywood, një ndryshim spontan i zemrës, flokët e dëmtuara, një nevojë për ndryshim pas ndarjes etj.
Por të gjitha këto duhet të shoqërohen me një këshillë tepër të vlefshme që është forma e fytyrës. Nëse dëshironi vërtet që t’ju shkojë prerja e re, atëherë duhet të bazoheni te forma e fytyrës, sipas blogeres Huda Kattan.
Fytyra e gjatë
Kur balli, mollëzat dhe mjekra kanë një gjatësi të njëjtë.
Kur bëhet fjalë për fytyra të gjata – të famshme si Kim Kardashian, Gisele dhe Victoria Beckham janë shembulli më i mirë. Balluket, ondet dhe volumi ju shkon, por gjithashtu edhe vijat e gjata për ndarjen e flokëve që e bëjnë fytyrën tuaj mos të duket kaq e gjatë.
Fytyra rrumbullake
Ku gjerësia e faqeve është e njëjtë me gjatësinë e fytyrës.
Rekomandohet floku mesatarisht i gjatë dhe me onde si këngëtarja Selena Gomez ose aktorja Emma Stone.
Fytyra në formë zemre
Kur balli është i gjerë dhe mjekra e mprehtë.
Stilistët preferojnë balluke, flokun mesatarisht të gjatë. Balluket e gjata të Reese Witherspoon japin iluzionin e një nofulle të vogël dhe zbutin mjekrën e saj. Halle Berry i jep volum flokëve lart për të zbutur mjekrën dhe Scarlett Johansson bën një ndarje anësore të balukeve për të fshehur ballin.
Fytyrat katrore
Kur balli nofulla dhe faqet kanë të njëjtën madhësi.
Balluket mund të jenë një mënyrë e shkëlqyer për të nxjerrë në pah formën e fytyrës katrore dhe veçanërisht ato në formën e perdeve (si Alexa Chung) që janë më të shkurtra në mes dhe më të gjata anash.
Fytyrat ovale
Kur balli është më i gjerë se mjekra
Urime, keni fytyrën më të përshtatshme! Stilistët ju këshillojnë balluket e gjata si Bella Hadid, kaçurrelat e rëna si Thandie Newton dhe modelin e flokëve bob si Taylor LaShae.
Burimi: Hudabeauty.com
Për t’u njohur të parët me lajmet më të fundit nga showbiz-i, moda, bukuria, aktualiteti etj., shkarkoni falas aplikacionin e iconstyle.al
iOS: (Kliko Këtu)
Android: (Kliko Këtu)
