Sapo përfundon vera të gjithë iu drejtohemi salloneve të bukurisë për të rifreskuar flokët tona të djegura nga dielli dhe gjithmonë na shoqëron dilema se cila ngjyrë është në modë për këtë sezon.
Vjeshta është shumë afër dhe parukierja e famshme Cassondra Kaeding ka zbuluar se cilat jaën ngjyrat më të bukura të flokëve për sezonin vjeshtë-dimër 2018-të. Ajo na sugjeron 7 ngjyra, të cilat pritet që të bëjnë namin këtë vjeshtë.
1-Ngjyra e bakrit
“Ngjyra e kuqe të cilën e pamë gjatë javës së modës në New York, duke përfshirë edhe Alexander Wang, do të jetë një ndër ngjyrat më të preferuara për sezonin vjeshtë-dimër”, thotë Kaeding.
Sipas saj kjo është ngjyra e preferuar edhe e Kate Hudson, Olivia Munn dhe Rosie Huntington-Whiteley.
“Nese jeni aq të guximshëm sa për të provuar këtë ngjyrë, ju sugjerojmë ta përzgjidhni atë në nuancën e bakrit dhe pas kësaj duhet të shkoni më shpesh në parukeri për të mbajtur atë gjithmonë të freskët”, sugjeron Kaeding.
2- Ngjyrë gështenjë në kafe
“Ngjyra kafe është një ndër zgjedhjet më të qarta për këtë stinë, por këtë sezon ka të bëjë me një shtim të thellësisë së saj. Do të shtoni shumë ngjyrë kafe, e cila do të shoqërohet me nënshtresa ngjyrë bakri.”, thotë Kaeding.
Si një rregull i përgjithshëm për ruajtjen e ngjyrave, Kaeding sugjeron përdorimin e një shampoje pa sulfate.
3-Ngjyrë bjonde në luleshtrydhe
“Biondet tradicionalisht kanë një tendencë për të kaluar në refleksin e kuqërremtë, për të ndryshuar ngjyrën që i ka shoqëruar gjatë gjithë verës. Vetëm sigurohuni që të kaloni gradualisht në këtë refleks, pasi ju mund të shtoni më shumë seç duhet dhe ajo është e vështirë për t’u hequr”, thotë parukierja e famshme.
4- Ngjyrë bezhë
“Flokët platin vazhdojnë të jenë një ndër tendencat më të preferuara, por këtë vjeshtë ne do të shohim më shumë një ngjyrë bezhë”, thotë Kaeding.
5- Bjonde me rrënjë me refleks natyral
“Për bjondet që duan të qëndrojnë tek ngjyrat e lehta dhe të ndritshme, atëherë gjatë vjeshtës lyejeni rrënjën e flokëve tuaj me një ngjyrë më të natyrshme. Kjo jo vetëm që e bën hijen tuaj më të thellë, por gjithashtu bën që vizitat tuaja tek parukierja të jenë më të rralla”, thotë Kaeding.
6- Karamele Ombre
“Larg nga ombre e rëndë e viteve të kaluara, kjo karamele është e butë dhe shton shkëlqimin në fytyrë. Kjo hije është veçanërisht e mrekullueshme për klientët që duan të rifreskojnë ngjyrën e tyre të flokëve”, thotë Kaeding.
7- Kafe e mëndafshtë
“Falë klanit Kardashian-Jenner do të shohim një ngjyrë kafe të pasur me shkëlqim dhe tepër të ngrohtë. Për të ruajtur ngjyrën tuaj sa më të shndritshme sigurohuni që të vizitoni parukjerin tuaj çdo dy-tre javë për ta rifreskuar ngjyrën tuaj”, thotë Kaeding.
Burimi: Cosmopolitan
