Kendal Jenner dhe i dashuri i saj Ben Simmons u ndeshën në të njëjtën diskotekë me ish të dashurën e tij Tinashe. Por çfarë e bën edhe më të çuditshme këtë situatë është deklarata e këngëtares Tinashe e cila tha për “TMZ” se teksa ndodhej në krahët e Kendall, Ben i shkruante mesazhe.
“Ai po më shkruante në klub. Çfarë dreqin është kjo? Çfarë mendon se po bën ai?” – tregoi këngëtarja në një intervistë.
I kontaktuar nga “TMZ”, Ben Simmons i cilësoi si përralla deklaratat e ish të dashurës së tij, por nuk konfirmoi nëse mes tij dhe Kendall ka lulëzuar një histori e bukur dashurie.
Mirëpo edhe këngëtarja Tinashe pranoi se kishte gënjyer dhe se kërkonte të shkaktonte pak dramë dhe tension të panevojshëm. Sipas mediave amerikane, Ben Simmons e tradhëtoi këngëtaren Tinashe me yllin e “Keeping Up With The Kardashians”.
