Ndeshja Angli – Suedi, ishte një ndër përballjet më emocionuese për Kupën e Botës, ku britanikët kaluan në gjysmëfinale me rezultatin 2 me 0.
E në Shqipëri, një tifoz tejet i veçantë ka mbështetur skuadrën britanike, pasi mban edhe emrin e kryeqytetit të saj. Bëhet fjalë për vogëlushin e Sara Hoxhës dhe Ledjon Liços, London Noor, i cili mbante veshur fanellën e Anglisë.
Në foton e postur në profilin e tij në “Instagram”, moderatori Ledjon Liço tregonte pjesën e pasme të fanellës që mbante veshur London, ku shfaqej numri 10. Mirëpo Ledioni ishte treguar i kujdesshëm, duke fshehur këmbët e Sarës me flamurin e Britanisë së Madhe, detaj ky që nuk kaloi pa u vënë re nga Sara.
“Sa mirë që mësove dhe këtë herë, më mbulove celulitin me emoji” – i shkruan Sara Hoxha, partnerit të saj.
