Prej dy vitesh ato janë shndërruiar në kryefjalën e trendeve të modës dhe duket se shapkat nuk kanë ndërmend të largohen edhe për një kohë të gjatë. Ato janë shndërruar në të preferuarat e fashionistave e blogereve në mbarë botën e po ashtu edhe në Shqipëri.
Ndaj, blogerja e “That Wild Flower”, Arjena Duçi, do t’ju japë 3 sugjerime fantastike se si t’i kombinoni shapkat e famshme përgjatë këtij sezoni.
Kombinimi 1
Kohë më parë, pantallonat “serioze” ishin të destinuara të visheshin gjithnjë me këpucë me taka. Dalëngadalë u erdhi radha atleteve dhe tani, opsioni ëm “in” i momentit janë shapkat. Arjena ka zgjedhur një plaë pantallona rozë të lehtë me bel të lartë dhe kyçe të ekspozuara që e çojnë menjëherë vëmendjen tek shapkat.
Ajo gjithashtu ka zgjedhur një këmishë të bardhë minimaliste dhe i gjithë look-u plotësohet me çantën e kuqe dhe syzet stil “Matrix”.
Kombinimi 2
Një një kombinim tërësisht veror, shapkat mund t’i vishni më së miri me një fustan njëngjyrështë freskët. Synoni ngjyrat e ndezura që edhe këtë verë janë trend dhe si Arjena, mos harroni kurrësesi të merrni një çantë kashte, pasi edhe këtë vit do të jenë super në modë.
Kombinimi 3
Xhinset me detaje sportive si vijat anësore të veshura me shapkat minimaliste do t’ju bëjnë menjëherë të dukeni si një blogere mode. Për këtë kombinim gjithashtu mund të përdorni një çantë kashte, syzet “cat eye” si dhe një bluzë stil bohemian lino, që këtë verë do ta shihni kudo.
