Ajo ka qenë një ndër banoret më të diskutuara të “Big Brother 5”. Ishte vetëm 19-vjeç kur u bë pjesë e këtij reality-show duke sfiduar mentalitetin shqiptar për origjinën e saj dhe jetën që ajo kishte zgjedhur të bënte.
Pasi doli nga shtëpia e “Big Brother” Genta ka qenë vazhdimisht në qendër të kritikave për shkak të postimeve të saj në rrjetet sociale. Madje kujtojmë se vetëm pak ditë më parë në rrjetet sociale qarkulluan disa foto dhe video ku Genta shfaqej në dhomën e një hoteli e veshur me rrobëdishamber dhe kishte ekspozuar dukshëm gjoksin e saj bombastik.
Këto pamje shkaktuan shumë polemika në rrjetet sociale dhe kritika të shumta shkuan në drejtim të ish-banores së “Big Brother”.
Me sa duket këto kritika e kanë prekur Gentën dhe ajo ka marrë një vendim për të mbyllur rrjetet sociale.
“Shpeshherë ne njerëzit që dukemi me të lumtur dhe më të qeshur jemi ata që mërzitemi më shumë, edhe që vuajmë më shumë se kushdo tjetër, ju nuk e dini sa i keq është ankthi si ta ngushton stomakun e si ta tkurr shpirtin e të tret emocionalisht aq sa ngelesh pa shpresë, pa ëndrra, pa motivim. Po e mbyll këtë Instagram, Fb, Snap me shpresën se do gjej qetësi shpirtërore”, shkruan Genta në postimin e saj në Instastory.
