Problemet me flokët që dobësohen çdo ditë e më shumë nga prania e zbokthit janë mjaft shqetësuese. Të gjithë kemi maninë që të blejmë produkte të shtrenjta duke menduar se në këtë mënyrë ato do të jenë më efektive.
Nuk është e nevojshme të shpenëzojmë shumë sepse zgjidhjen e kemi në shtëpi.
Soda e bukës ofron një sërë dobish pozitive për flokët tanë. Ky produkt natyral, favorizon rritjen e flokëve, eliminon zbokthin dhe i bën më të fortë.
Gjithashtu eliminon acidin në flokë, një nga përbërësit kryesorë për dobësimin dhe këputjen e tyre.
Por si të përgatisni një shampo me sodë? Për këtë na nevojitet një gotë ujë, ku duhet të hedhim tre lugë sodë buke. Më pas shtojmë edhe disa pika nga shampoja jonë e preferuar dhe e përzjejmë mirë, por kujdes, që të mos bëni shkumë.
Me shampon e krijuar lani flokët, mesatarisht tre herë në javë, por gjatë larjes lëreni të veprojë për 5 minuta.
Soda është një produkt i shkëlqyer natyral dhe brenda pak ditësh do të shikoni, ndryshim të paparë në flokë.
