Shumë nga ne besojnë se të bësh një dush nuk duhet rregulla, mirëpo duhet ta kuptoni që kjo gjë është gabim. Nëse doni një lëkurë të shëndetshme ju duhet t’iu përmbaheni disa rregullave.
Temperatura e lartë e ujit
Uji i nxehtë bën që të kemi lëkurë më të thatë. Kur pastroheni me ujë të nxehtë të keni kujdes sepse kjo temperaturë e lartë e ujit shkakton irritim të lëkures, largon yndyrën nga trupi duke e lënë të pa mbrojtur, rrit rrjedhjen e gjakut si dhe dërgon drejtë skuqjes dhe inflamacioneve.
Kohëzgjatja e dushit, qëndrimi i gjatë në dush!
Si për shembull uji i nxehtë, kohëzgjatja e larjes, nëse ne qëndrojmë më shumë se dhjetë minuta dhe hedhim ujë të nxehtë kjo është gabim sepse do të filloj trupi të na skuqet dhe kruhet, kështu që kujdes ta keni parasysh këtë gjë.
Përdorimi i shpeshtë i sapunit për të bërë shkumë
Një tjetër gjë që duhet t’i kushton vëmendje është shkuma që krijoni përmes sapunit (xhelit). Nuk duhet ta aplikoni drejtpërdrejtë në trupin tuaj, fillimisht duhet ta hidhni në sfungjerin tuaj pastaj ta fërkoni trupin me të. Kujdes nuk është e domosdoshme që çdo herë të përdorni shkumë për trupin tuaj!
Përdorimi i dorashkave të vjetra dhe të lagëta
Kujdes me përbormin e sfungjerit apo dorëzës për pastrim, sepse në to qëndrojnë shumë baktere prandaj është shumë mirë që ato të ndërrohen çdo katër (4) javë.
Tjetër gjë që duhet të dini është se sfungjeri duhet të thahet.
Tharja e trupit në mënyrë të pa rregullt
Pasi keni përfunduar me dushin, kujdes mënyrën se si thani trupin tuaj, është mirë që peshqiri të jetë i butë dhe jo ndonjë material irritues. Pas tharjes është mirë të përdorni kremin për lëkurën tuaj, që ajo të mbetet e qetë dhe e shëndetshme. Mënyra e ‘ashpër’ e tharjes së trupit do ta skuq lëkurën tuaj, kështu që kujdes!
