“Kënga Magjike” mbylli dje natën e dytë të gjysmëfinales, dukë ja lënë vendin kështu natës finale që do të realizohet ditën e shtunë. Dy net plot emocione, por edhe thashetheme.
Tashmë është bërë traditë që “Kënga Magjike” rezervon një surprizë të madhe në natën finale. Këtë vit jemi të gjithë kuriozë se çfarë do të ndodh.
Ka qenë vet Ardit Gjebrea, ai i cili zbuloi për publikun shqiptar se surpriza e madhe e kësaj të shtune do të jetë kënga e tij e re së bashku me Anën, për të cilën ka kaq kohë që po punon.
“Po këngën tënde të re kur do e dëgjomë?”, e ka pyetur një fanse në “Instagram” Gjebrean.
“Të shtunën”, i është përgjigjur Arditi, duke na lajmëruar kështu se surpriza e këtij viti do jetë ai me Anën.
Shpresojmë që të ketë edhe ndonjë surprizë tjetër, siç ka ndodhur vitet e kaluara, ku janë ftuar emra të mëdhenj të muzikës botërore.
