Si ia dalin të huajt apo personat VIP, të ruajnë privatësinë e tyre në email apo rrjetet sociale?
Epo që ta dini, Beyonce është në listën e atyre personave që i ndërrojnë adresat dhe fjalëkalimet e email-eve çdo javë.
Këtë sekret e ka zbuluar Ed Sheeran, duke folur për “Entertainment Tonight” të premten në iHeartRadio Jingle Ball, ku shpjegoi komunikimet me ndërprerje që çuan në bashkëpunimin e tij me këngëtaren për versionin e ri të këngës “Perfect”.
“Kam një adresë email-i që dërgoj … që aktualisht ndryshon çdo javë, për të siguruar një bisedë me Beyonce-n”, tha këngëtari 26-vjeçar.
“Kështu që unë i dërgoja email me këtë dhe pastaj flisnim në telefon, dhe kështu kemi vijuar që nga maji.
Sheeran tha se kënga vonoi të publikohej për shkak të shtatzënisë së Beyonce. Atij iu desh të priste deri në publikimin e saj këtë muaj, edhe pse kishin shumë kohë që kishin punuar.
“Ajo solli në jetë binjakët dhe e përfunduam në shtator, prandaj kam pritur gjithë këtë kohë”, ka thënë këngëtari.
Burimi: Daily Mail
